Қымбатты әкелер мен аналар, аталар мен әжелер!
Біздің театрда қыстың қысқа күнінің сенбісінде балаларыңыз бен немерелеріңізді алып келіп, Шымкент қалалық жасөспірімдер мен қуыршақтар театрының артистері қойған әйгілі «ВИННИ ПУХ» ертегісін қазақ тілінде тамашалай алатын керемет мүмкіндіктеріңіз бар. Бұл Алан Миланның «Винни Пух және бәрі, бәрі» деген балалар кітабындағы баршаңыз жақсы көріп кеткен мейірімді де көңілді қонжықтың бастан кешкен қызықты оқиғалары кішкентайлар ғана емес, ересек көрерменді де бейжай қалдырмайды, өйткені ол сіздерді аз уақытқа болса да, бақытты балалық шаққа оралтады!
Бұл Кристофер Робиннің туған күніне пүліш қонжықты сыйлыққа алғаны жайлы әңгіме. Бастапқыда Кристофер мұндай сыйлыққа аса қуана қоймайды, алайда Винни Пух пен оның достарымен жақын таныса келе баланың өзі қызықты шытырман оқиғалардың ортасына түседі. Ал көрермендер болса туған күн кешінің қонақтарына айналады. Залдағы балалар Винни Пух пен оның достары тап болатын күлкілі және қызықты жайттардың куәсі болады.
Кішкентай қонжықтың аты Пух болатын,
Ол қонаққа барғанды ұнататын.
Бал мен тосапты жеп, сусын ішетін.
Бірде ол балды көп жеп қойып,
Кіретін есікке үлкен қарнымен кептеліп қалды.
Спектакльді қоюшы топ:
Пьеса авторы – Елена Локшина
Қоюшы режиссер – Антон Зайцев
Қоюшы-суретші – Юлия Чернова
Көрсетілім көңілдеріңізден шықсын!
Театр жетекшісі - Қазақстанның еңбек сіңірген қайраткері Амантай Ыбыраев